三色雪糕

　　小時候每到夏天，因為兄弟姊妹眾多，母親買雪糕唔會夠分，於是買一盒由牛奶公司出產的三色雪糕給眾人，一人一杯，餘下第二日再食。

　　點解雪糕有幾種顏色？大概由味道說起，朱古力自然係咖啡色，芒果會係黃色，以前顏色唔多，近年多了如抹茶之類，所以有了綠色。

　　聽聞雪糕由意大利人發明，無考據過唔清楚，不過外國的雪糕，和牛奶公司出產的有明顯分別，除了香濃得多，味道也有不同。

　　綠色不會是抹茶，而是一種淺綠。紅色會否一定士多啤梨？亦唔一定。

　　至於係咩味，因為嘗試的機會較少，一向都唔識分，不過有一樣肯定知道，意大利人很喜歡點這三種顏色的雪糕，包括了綠白紅。

　　至於點解，看看他們國旗上的顏色便會知道。

　　圖片係冒牌貨，是最近在一間酒店午膳後甜品照着顏色而點的三球雪糕。