阿嫲唔係好識

　　某日來到阿嫲屋企，正準備晚飯，於是入廚房幫手洗菜切冬瓜，阿嫲正在劏魚，赫然發現近年很受任何年齡歡迎的歌手的一張海報鋪在鋅盆旁，盛着剛劏好的魚。

　　拿起一看，唔知係今年或是去年生日的特別海報，如果放於網上出售，可能賣得一百幾拾，誰料阿嫲用來劏魚，簡直浪費。

　　於是問阿嫲點解有這張海報，佢話係舊報紙和廢紙堆中隨便攞張用來劏魚，識鬼佢係邊個，點解唔要可以問舅父。

　　無謂多問，班廢老點會知海報中人是誰，正想告訴阿嫲知，那位歌星吸引無數歌迷追星，連架巴士電車經過都絕不放過歡呼云云。

　　劏好魚，這張海報最後的命運係人都知，怎知阿嫲找了嚿薑出來，在海報上切薑拍薑，然後包起來放入垃圾桶，並自言自語咁話：

　　「話係姜咩喎……都幾十歲知鬼識佢係邊個，拍薑咁拍我就知。」

　　立刻收聲唔敢多講。