八號風球下的大澳

 　　昨晚潮水唔算特別高，剛到堤邊，早上開始潮退，要待下午和晚上潮水會否隨風湧到岸上。

　　上午還有點陽光，連彈塗魚也懂得游到石上曬太陽，莫非準備度過一個風急浪高的十號風球，必須先暖暖身。

　　遠處的一座三層高樓房，不知用來曬蝦醬還是住上幾戶人家，單憑感覺樓宇已傾斜，為何當初建於岸邊，而潮水高漲時必定水浸的地方，真係一個謎。

　　天文台已預計必定懸掛十號風球，但是唔覺得大澳居民特別緊張，除了近岸的人家和鋪頭在門外加裝擋水板和堆沙包外，其餘的居民好像日常一樣，繼續掛上迎接中秋的綵燈和發光招牌。

　　隨口問一位村民，八號風球仲掛招牌，難道唔怕打風？

　　點知幾位村民氣定神閒咁話，唔怕，點有咁大風吹甩個招牌。