存在

　　最近有位高人，話自己三十幾度下在家工作，沒有開冷氣，只靠一把USB風扇降溫云云。

　　三十幾度下在家工作沒有開冷氣有甚麼出奇，大把人都係咁，例如好多人的父母，在家都沒有開冷氣，而做家務算唔算工作呢？

　　父母要出外工作，但家中所請的姐姐呢？莫非她三十幾度之下可以開着冷氣來工作？

　　至於替你家中裝修的工人，同樣三十幾度之下無冷氣而工作，更不要說三十幾度在烈日當空之下工作的建築工作及外勤員工。

　　至於那把USB風扇，為合強調係USB，因為他以為唔使用電，雖然插在電腦以電腦電力啟動風扇，但同樣消耗電力， 只不過比獨立插頭略省。如果真的以為電腦分出來的USB唔使用電，咁以後只要開着電腦一邊工作，然後把家中所有用電改為USB由電腦來啟動，會否真係省電呢？

　　答案當然唔係，皆因由電腦分出來的電力一般都較細，只係你唔覺增加了耗電而已。

　　其實最值得讚賞唔係佢在三十幾度之下唔開冷氣，而係這位高人咁有「勇氣」可以公諸於世，而不把剩下的勇氣來做其他更有意義的事情，也可能他是要人留意他的動向也說不定。