障礙

　　其實是否真的患上排隊障礙症，主要睇自己有沒有抗感染能力。

　　不是西方沒有這種障礙症，不過似乎亞洲特別在某個地方特別多而已。

　　之前有人講過，自出生在這個世上，由認知開始，從來都沒有排隊這回事，這個人又怎能知道世界上存在排隊呢。

　　但係做人要有常識，唔係未見過亦唔係無人教過，之後可以大大聲講畀人知道自己從來無學過，所以唔知應該點做。

　　從來無人或動物自出生以來就懂世界上所有，成長過程中無非都係跟別人學，學好學壞都係睇自己。

　　初時還以為真的未接受過排隊這件事，自然不知排隊為何物，但是直到某一天終於知道原來還有排隊障礙症這回事。

　　所謂排隊障礙症，即係唔係唔知或唔識排隊，而係有隊都唔去排，仲可以大大聲同周圍的人——即排緊隊的人——講話自己會等到最後全無打尖之意云云。

　　既然咁守秩序，點解唔去排隊卻要站在最前騷擾別人？

　　諗極唔明，大概患上了排隊障礙症，而這症又會傳染亦係無得醫。