花

　　行外國街市比較有吸引，除了擺設整齊，很多時都有檔花鋪，花朵顏色艷麗，總令人心動買一兩束回家裝飾。

　　大街的街市也有花鋪，出售的各類花朵唔多夠新鮮，至於價錢可不廉宜，比得起在較為明亮的花檔，不過為了貪方便，偶然也會買幾枝劍蘭。

　　母親喜歡劍蘭，主要係較為經濟，擺放時間又長，不似玫瑰或是康乃馨，開花與否要睇運氣，近年鮮花多由雲南運來，冷藏時間控制並不準確，導致急凍過度，影響了開花。

　　這裏買花講時價，歐洲是否如此唔多清楚，不過在馬莎所見其實大致上都差唔多，鋪頭會較貴，街市或貨車檔便宜一兩歐元之間，偶然會見獨特顏色，都是由花農精心培植。

　　近年母親少去買餸，大鄉里唔多喜歡行花鋪，所以少了插花，可是來到花都——指有閒情的博洛尼亞——就算唔買都要欣賞吓，看見黃玫瑰有大有細，黃色的小花甚似跳舞蘭，怪不得鄉下婆咁喜歡黃色。