乜都唔要

　　十幾年前日本人出了本書，講甚麼斷捨離，說家中只剩七條底褲，兩條見得人的褲，至於衫當然也只有三兩件，書呢？則要睇網上版。

　　至於智能電話、電視、電腦等當然不再擁有，雖然以上所說並非全是書中內容，但如果真係咁，點樣出本書畀人睇？

　　睇書要睇網上版，咁即係要用電腦或平板。其實衫褲鞋襪唔係爛咗才買咩？咁點解一定要七條？

　　本來身外物都只係在生時擁有，死後幾乎所有也成了垃圾，可是記憶始終難忘，大概就係唔捨得。

　　兩部單鏡反光機幾年前已經送到鴨寮街，買回一部掃描底片機，把另外唔想要的菲林掃描成電子檔案，咁樣連菲林幻燈片都可以唔要，美其名為斷捨離。

　　係？

　　當然唔係，所謂乜都唔要，其實係乜都想要，只是換了另一個模式。