長崎和平公園

　　中文稱「和平公園」，日文「平和公園」，初時睇中文報紙以為「和平公園」是錯，原來是中文與日文的分別。

　　我們從公園的後面進來，首先見當年「長崎刑務所」因原子彈轟炸之後所剩下來的地基及貼近地面的牆壁，地面上的建築全毁，只留下一片敗瓦。

　　平和公園為悼念第二次世界大戰美國向長崎投下原子彈而設，今天當然唔講戰爭而係講和平，這座平和祈念像成了長崎的標誌，每年8月9日這裏都有記念活動。

　　踏入二十一世紀，戰爭已經唔再係攻城掠地與爭奪資源，而係想恢復舊日光輝，所以一旦發生戰爭，戰況必定更加慘烈。當年日本已經佔領東三省以及東南亞大部分土地，能源糧食幾乎都能滿足，但為何又要偷襲珍珠港喚醒美國這隻睡獅呢？大概戰爭最後都會使人瘋狂。

　　早幾日煲了一套日本劇集，由第二次世界大戰日本戰敗開始講起，女主角說了幾句，大意戰爭都由高高在上的男人發動，但受苦卻是平民特別是女人，這個問題永遠諗唔明，為何仲會有人希望戰爭。

　　保衞絕對是另一件事。

　　唔好理日本是否對歷史避重就輕，到目前為止，只有日本廣島和長崎被原子彈轟炸，原因就是發動戰爭。