關於食也會有很多笑話，不過永遠不知道真假。從網上看到一個，但知道這個笑話是千真萬確，竟然就發生金凱鮮庭。
飲湯途中，門外來了兩位中年男子，一進門，大嚷大叫。
男子A：我成日食海鮮，唔靚唔食架，呢道我成日黎，最出名就係龍蝦湯。
男子B：呢道都幾難搵架喎。
男子A：係呀，不過好方便，可以泊車呀馬。
侍應：兩位，想食啲咩呢？
男子A：梗係鮑魚啦，開支酒飲下啦，你Wine唔Wine呀？
男子B：好呀！
侍應：咁要紅酒定白酒呀？
男子A：駛問既咩，我食海鮮，你話要飲咩野酒呀？同我黎個龍蝦湯呀？
侍應：唔好意思，我地呢度不嬲都無賣龍蝦湯架。
與友人餐後，狂笑一番。
能夠想到以龍蝦入湯，可算是突破，亦曾經喝過，感覺如忌廉湯，只不過多了龍蝦味。
4 則留言:
龍蝦同大閘蟹是我的至愛，但也要看如何煮。我至今仍未懂得欣賞龍蝦湯，每次飲後喉嚨都會不舒服，難飲時會像忌廉湯「拿」喉版，比較冇咁難飲就不會「拿」喉，仲有少少龍蝦味，但說不上十分好飲。最近北上時點了一個「茶壼湯」，反而能給我驚喜。
To agnes:
龍蝦啖啖肉確是吸引，至於大閘蟹嘛，近年水準確是下降了。如果試過法國麵包蟹或是加拿大肉蟹，可能會改變主意。另外，水晶蟹也不錯，至於士巴拿蟹也很濃郁，花蟹則清甜，真是各有所好。
龍蝦湯方面，製法不在這裏公開，因為是他們的秘密。喜不喜歡全是個人喜好，如何弄得美味，則要看師傅功夫了。
不是嘛...龍蝦有這麼多的種族嗎？我也很同意法國麵包蟹真的很美味！！！上次一試難忘，在哪的餐館已看不見牠的蹤影。可惜我對煮海鮮一竅不通，送我十斤龍蝦八斤蟹也沒用。
To agnes:
上次？上次……應該是一年加半載以前的事吧！
龍蝦很易煮，只是沒有那麼大個煲。蟹也不難，只是劏蟹有點煩。
張貼留言