顛倒黑白

　　前幾天十月一日，是中華人民共和國成立六十一周年，特區香港回歸十三年，這十三年愛國教育功不可沒，特區政府難免又大放煙花慶祝，煙花放得多，漸漸分不清究竟是慶祝要放煙花？還是放煙花慶祝？
　　第二天打開全港最阿Q精神的報紙一看，竟然這樣寫：
　　「……當中亦有一幕以綠色作主題，綻放漫天綠色的煙花，標誌本港積極推動環保工作。……」
　　幾乎連昨天吃的飯都噴了出來，放放綠色的煙花便標誌積極推動環保工作，係咁就好囉，真係一天都光晒，做人使乜咁煩惱，環保就係咁簡單。
　　係咁，不如好像迪士尼日日係維港大放綠色煙花，何止積極推動，簡直身體力行。
　　又可以豁免酒稅，每個特區市民一人派三十樽，目的是積極推動酒後駕駛。啊，唔係，目的係積極推動酒後不要駕駛！又可以豁免煙草稅，每個特區市民一人派三千支煙，標誌是甚麼？當然是積極推動全港禁煙！還可宣傳防肺癌，都唔知幾好。
　　係一個顛倒黑白的年代，係一個理想已經幻滅的時代，反過來就只有胡作非為，無法無天，等待的正是滅亡的來臨。