唔係買樓先有幸福

　　有人問，鄭汝樺所說的「唔係買樓先有幸福」係未講風涼話？答案可以肯定說：絕對係！
　　由一個做官的教我們如何才是幸福，咁就真係大鑊，由「唔係買樓先有幸福」延伸，將會是「唔係有錢先有幸福」，可以是「唔係有車先有幸福」，也許是「唔係做官先有幸福」，甚至是「唔係做人先有幸福」，係咁繼續落去，可以有無限個唔係乜乜先有幸福，咁點先有幸福？
　　對在特區政府當官的如鄭汝樺，相信一定係有信仰才有幸福，十月二十三的新聞所見，鄭局長正掛著一個十字架，有甚麼比有信仰幸福呢？有樓？唔係！有車？唔係！做官？唔係！做人？唔係！有信仰？一定幸福！
　　既然有樓有車做官做人都唔幸福，點解鄭局長又有樓有車做官兼做人？因為背後有信仰支持，但係有信仰唔一定有好收場，有信仰亦唔一定上天堂，因為最後都要經過大審判，鄭局長在信仰面前卻不敢堅持應該所相信的信仰，咁死後可能落地獄，到時局長會唔會講原來唔係有信仰先有幸福？