無眼睇

　　報章頭條很吸引，一宗涉嫌風化案，足可做幾日大新聞，文化界自以為道德高尚，單是所提及的名字已是嘆為觀止。
　　甚麼乜乜小百合，另一個又是甚麼物物玉女，再來一個唔知咩乜乜女神，最離奇竟然有一個叫甚麼縮水張柏芝，如果不是刊於第一二版，還以為睇緊已經執笠的大富豪夜總會廣告。
　　給別人起一個代號，唔該配合吓身份，一聽「小百合」，你話會諗起乜？「玉女」又會諗起乜？「女神」絕對唔會諗起上帝，至於縮水真係唔知似乜。
　　話晒香港都曾經係英國殖民地，一個「鐵娘子」，絕對係戴卓爾夫人的化身，究竟鐵娘子係戴卓爾丫？還是戴卓爾係鐵娘子？這已經唔重要，因為兩者已經合二為一，這樣才有意思。
　　個個都係成年人，依然好似細路仔玩緊泥沙，如果咁樣叫追求民主自由，真係要行使自己的權利，千萬不要投票，要投票都要投張廢票。