出城

到達桂林火車站

　　住係鄉下有時真係好麻煩，所以有時被人叫做鄉下佬或是鄉巴佬都沒有辦法。話說大鄉里與鄉下婆要去旅行，乘坐臥鋪火車，重溫年輕時的學人上路的歲月，但係又唔知自己係鄉下佬，結果……
　　大鄉里出城，自然要坐車，鄉下婆就話坐得車多會頭暈，大鄉里仲衰，出入冷氣地方會傷風咳，去鄉下地方例如梯田呀，咳都唔咳一聲，點知一入城，竟然咳到病。
　　鄉下婆話，雖說住在梯田的田頭寨，晚上只得風聲，流水聲，腳步聲，間中有幾句村民談話聲，靜就夠靜，不過另一種聲真係幾大聲，至於係咩聲，鄉下婆無講。
　　出城當然要化吓妝扮吓靚，何況去千幾公里外咁遠，準備自然要周詳，龍脊梯田大約八九年前去過，再去的原因並不是梯田特別吸引，而是不想太花時間搜集行程資料。上次去的是平安寨，住在木製的高腳樓，依山而建，最底一層多放農作物農耕工具或是養豬養雞的地方，第二層是主要活動的地方，包括廚房和廳，三樓則是房間，那年住的時候，並沒有今年的設備完善，公共浴室在二樓，洗澡時還可聽到樓下豬的叫聲。
　　梯田是勞動人民的智慧結晶，少數民族給漢族趕到山區，靠山吃山，靠水吃水，成了今天的梯田。