酷

　　別人剛換了新手提電話，同樣有上網等功能，不是甚麼蘋果iPhone，好奇之下問其原因，怎知大條道理話唔用蘋果產品。

　　話說蘋果的標誌為何是個蘋果被咬了一口，原因係勇於嘗試，帶有挑戰的意思，至於真正原因是不是這樣不得而知，不過唔好理，係又好唔係又好，勇於嘗試勇於挑戰的確是蘋果電腦當初創立的目的之一。

　　以前蘋果電腦都唔知生產過幾多失敗兼新穎產品，個樣係靚功能前衛，可惜又大部電又用得快，都唔知放係邊度好，失敗皆因受制當時未有鋰電快速記憶體無線上網之類，連手提電腦的電池都經常出事。如今不同了，電池耐用，體積變小，所以產品經推廣和傳媒免費造神宣傳才得以大受歡迎。

　　正因為如此，以前為了型都唔知做了多少「傻事」，擇善固執，無所謂，當別人用Window95呀Window98呀，自己還在研究個OS點樣用，當別人打遊戲都唔知幾多款時，自己繼續青蛙過河，好啦，當蘋果唔叫電腦開始一統mp3時，究竟這個還是不是咬了一口的蘋果？

　　以前用蘋果電腦的產品正是勇於嘗試勇於挑戰，多少有左傾浪漫鋤強扶弱情懷，今天可不同了，當人人見iPhone iPad iPod有新款時都問幾多錢幾時買幾時用多型多款多快多輕多薄，喬布斯出來時好像神一樣咁拜之日，諗諗都係時候「功成身退」之時，離蘋果遠去，因為這個世界還有很多事情很多東西需要繼續勇於嘗試勇於挑戰。