公道自在人心

  中國人之虛偽，全世界所無，從語言文字可知中國人之虛偽已到了無可救藥。
　　例如別人稱讚一個中國人毛筆字寫得好，他必然會回答寫得唔係幾好，或是某某比他更好。
　　奇怪吧。
　　某某寫得好是一件事，你寫得好是另一件事，難道不可以兩個都寫得好的嗎？為何不欣然承認自己寫得好？為何總要講反話？
　　又例如打架，唔夠打的又會說「君子動口不動手」。打都唔夠打，還講甚麼君子小人幹啥，打都要打起來，還講甚麼君子小人。可見中國人多虛偽。
　　過得一千幾百年，中國人漸漸習慣了講反話，明明係靚都話唔靚，明明係好都話唔好，明明可以講價都話無價講，明明唔得都話得……講得多個個中國人都知對方唔係講反話就係講假話，後來演變成講廢話。
　　例如這一句「公道自在人心」，如果真的有公道，根本唔使講，公道早已在人心，但當中國人一講「公道自在人心」，即刻證明根本沒有公道可言。
　　做人做咗幾十年，這個世界何來有公道？人心從來都不相信有公道，公道何來自在人心？