完成一個段落

  初初定下目標時，還不知道會不會真的能夠實行。
　　每天寫日記，是小學時聽老師之言許下的承諾，結果當然無疾而終。自問知識有限，每天寫真係唔知寫咩才好。唔睇番咁多書唔睇電影電視唔出去接觸唔傾偈，單講自己的事又有甚麼好寫？
　　買本日記簿回來，起碼頭十頁八頁填得滿。係Blogger開戶口，同樣無理由唔寫番十頁八頁，開始時真的胡亂寫，後來又唔係幾想寫，不過無無聊聊倒不如利用無無聊聊再次亂咁寫。
　　原本應該日日寫，不過每個月最多得三十一天，不計長假大概有二十五天上班日子，其中又有幾天較為忙碌，如何是好？只能定下一個數目，實行一年，看看結果如何。
　　沒有錯，有些事情的確令人心灰意懶，亦無力改變，但終點係未真的如此悲觀？不作嘗試，係永遠唔知道答案。
　　今年能夠完成，並不代表明年不再追隨這個特別的數字，只是有時候過於沉迷，一時難於應付工作，需要定一定神才分清寫日記還是打字。
　　繼續努力，繼續胡亂寫（應該係打），將來留下的就只有這些白紙黑字，最好能夠直排，這個也是明年嘗試的目標。