回復正常

  每到人日，母親便會說一切回復正常。

　　難道之前不正常？

　　農曆新年的確有很多不正常，例如做一些平日不會做或不許做或不敢做的事情，年紀小時亂吃糖果，過了十二時也不睡覺，話要等年初一的來臨，過了中午也不願起床，因為可以數出一百個理由，吃飯時不吃飯只吃餸等等，結果總有一兩年不是染上感冒便是腸胃不適（食滯），無無聊聊病上一兩天，將假日氣氛一掃而空。

　　年輕時愛扮特立獨行，永遠不明點解要有農曆新年，一大班人嘻嘻哈哈，但總唔知為啥，幸好父母會比平日多一點容忍，不然交都有得打。管他農曆新年還是新曆新年，總之有假放。

　　一把年紀又怎樣？依然唔多明點解要有農曆新年，農業社會不是早已離我們遠去嗎？唔明歸唔明，依然跟著大眾東奔西跑，明知年宵擠迫都係要去迫，東西比平日貴依然係都要買，明知嘻嘻哈哈唔知為啥照樣嘻嘻哈哈，反正逃不出世俗的繁華。

　　只有看著時光的消逝才會明白甚麼叫回復正常，知道熱鬧過後才有一刻的寧靜，不是逃避而是必須面對，反正年年就係咁樣過，倒不如樂在其中，看著滄桑變化，難得太平的日子，倒應該享受享受喧鬧忙碌過後突然湧現的空虛。

　　一切過去，又回復正常，已經再記不起明天是初幾，會去那處拜年……