入場費

  工展會終於結束，交通立刻暢順，起碼塞少十多二十分鐘。工展會每年搞亂特區香港二十四日，可謂罪過。
　　講開真係覺得工展會唔合理，點解要收入場費？顧客進工展會，無非都是購物，購物都要付入場費，的確唔合理。
　　有說租維多利亞公園搭建攤位人工電費管理保安等等都要付出，收入場費有助維持收支平衡，年年舉辦。
　　如果這種說法合理的話，豈非以後入百佳惠康購物，逛崇光百貨買化妝品皮鞋手袋都要收費？因為這些商戶同樣都要付出鋪租人工電費管理保安等等。
　　全世界商戶為了吸引顧客，租金管理水電等等支出都是自付，售出貨品已包括各項成本，無理由再收一項入場費。
　　已經剝奪了市民使用公園的權利，仲要收錢，咁工展會所收的入場費究竟係誰人袋入袋？
　　真係一個謎。