一人一票

  新聞直播，一班高級知識份子圍著看，情緒高漲極之興奮，聽後嗤之以鼻，講龍豬謊話連篇，咁都講得出口，竟然擺老婆上枱。
　　其中一個還跑來詢問我，問信唔信他講的說話。
　　大佬，你唔係睇電影睇得少吧，這些情節有甚麼稀奇。責任推給老婆已經算好，最怕係出去滾完話仲係老婆叫佢去滾呀，另外推……
　　民主選舉，你信候選人所說的便是事實，你不信的便是謊言，沒有所謂信唔信，選票作決定。
　　問題係，特區香港的選舉並不是民主選舉，荒謬之處正在此。
　　個個高級知識份子唔敢批評小圈子，無膽講出不公義選舉，只係夠膽對著電視機前（或新聞紙前）意淫一番，說這個誠信破產，那個沒有公信，大佬，這批高級知識份子也許其中幾個有得投票，但係選特首，根本係一千二百人嘅事，背後還有共產黨操控，無誠信，無公信，是共產黨，有醜聞，有投票給自己的公司等等又如何，一樣可以「被選」做特首。
　　批評的不是這個人有沒有誠信，有沒有公信，這是他的人格與道德標準兼無興趣理佢，因為政客從來都係大話精，如他認為可以繼續參選又有甚麼不可，如果真係一人一票，選票自然會給他懲罰。
　　可惜特區香港仍未係一人一票選特首（包括區議員立法局議員），但點解你班高級知識份子唔站出來，指出這是不公義不公平的小圈子選舉？
　　民主選舉或是從爛橙之中揀出一個沒那麼爛，但小圈子選舉連攔的機會也沒有，那班高級知識份子還這麼興奮意淫這個意淫那個，他們知唔知押錯注的後果？
　　從件事看特區香港的荒謬，富人已經住在幾千呎樓房，其實可以用錢買多幾層或幾塊地，建成十萬八萬呎，但係始終逃不出中國人獨有的貪，住幾層都話唔夠，係都要向下掘多一層，不過有人喜歡自掘墳墓應該都唔緊要嘅，分分鐘特區香港的有錢佬，個個間屋都有幾千呎僭建，唔係點夠用。