唔知講乜

  中國人講說話真係好鬼有藝術充滿禪味，最妙係講咗等於無講，仲係笑笑口咁講，無講又等於講咗，都係笑笑口。
　　最近事事講包容，十五年前接受特區香港回歸共產中國，既然滿手血腥的共產政權都可以接受，咁有咩唔可以包容。
　　隨處大小便絕對不是文化，貪污行賄好似理所當然肯定中國所獨有，咁順便坐遊艇順便搭私人飛機食餐飯有甚麼稀奇，地下掘多幾呎又無阻人，利益衡突漏報唔報事後唔認只不過係自己人好辦事，又有甚麼值得大驚小怪？這些中國獨特的文化肯定可以「包容」。
　　想做個真真正正的中國人，曾鈺成的唔選感言都有可學習的地方：

　　「我話『認真考慮』呢四個字一出，當晚已有人傳話俾我，話有人蒐集我黑材料。」
　　「梁振英先生兩次打電話俾我，話佢冇、亦唔會搞我黑材料。」

　　以下附AM730全文：梁振英兩致電稱不抹黑 曾鈺成宣布棄選

梁振英兩致電稱不抹黑 曾鈺成宣布棄選（2012年02月28日）

　　距特首選舉提名期結束只餘兩天，立法會主席曾鈺成經反覆考慮10日後，昨日宣布放棄參選，理由是時間倉卒，未及準備競選工程，他強調中央並無勸退，其決定亦與坊間盛傳有人手握其黑材料無關，他並自爆特首候選人梁振英曾兩度來電，否認蒐集其黑材料。不過，曾鈺成亦大揭今次選舉的醜惡，暗指建制派兩大陣營撕裂引發的局面，已嚴重損害特首選舉的公信力及特首人選的管治威信，認為中央政府及各方均須正視。
　　曾任培僑中學校長的曾鈺成，昨在培僑校友會宣布棄選決定。他解釋，由於時間倉卒，未及制訂政綱和準備選舉辯論，他坦言不接受「抄人」政綱，又「恐怕非常吃力，冇乜機會可以短時間內大幅提高公眾對我嘅評價。」曾鈺成指，未評估若出選特首，對民建聯部署立法會選舉和對政黨政治發展造成的影響，「咁多問題出現，如果我依家決定參選，唔係明智做法，所以呢場選舉恐怕我冇法參與。」
　　曾鈺成強調，並無自稱代表中央的人與他接觸談及參選問題，更無人勸退他，他自問並非中央不能接受的人物，「亦冇見到紅燈、黃燈、綠燈」，並曾否認因未獲中央開綠燈或「祝福」而決定不參選。在本月17日公開表示認真考慮參選的曾鈺成，直言過去10日經歷選舉醜惡一面，「我話『認真考慮』呢四個字一出，當晚已有人傳話俾我，話有人蒐集我黑材料。」他引述傳聞的黑材料說，「話我周圍借錢……包括我患咗絕症，包括我喺學校做校長時啲數非常混亂，亦包括話我喺1967年時放過炸彈，炸親過人。」他坦言自己非完美無瑕的人，過去亦做過不少錯事，但對黑材料一笑置之，他笑言，「我唔覺得黑材料問題對我有咩影響，如果有咩足以致命，我相信已不在人間！」
　　他不相信抹黑事件與候選人有關，並主動透露，「梁振英先生兩次打電話俾我，話佢冇、亦唔會搞我黑材料。」但他說，若有人因急於支持某位候選人而有所動作，「想令我感到有啲恐嚇，於是放棄參選，呢種做法對我考慮參唔參選係一啲影響都冇。」他並忠告躲在暗處的人，「抹黑其他人實際係抹黑選舉，同埋抹黑佢哋支持嘅候選人。」
揭選舉醜惡促中央正視
　　曾鈺成說，特首選舉發展至今，中央須正視這問題，「佢嘅公信力已受到非常嚴重損害，呢個機制產生嘅行政長官人選，佢嘅管治威信亦受到非常嚴重損害。」他又說，「希望中央明白到，過去發生嘅事，令香港市民對普選行政長官嘅要求更強烈，希望中央同下屆特區政府正視呢個現實。」曾鈺成稱，雖然外國也有選舉負面新聞，但未至令社會撕裂到不能互相包容，他更以「痛心」及「震驚」等來形容近期發生的事。有傳梁營搜集曾鈺成的黑材料，梁振英競選辦主席張震遠說，「呢個係絕對絕對唔正確，梁振英競選辦公室未曾掂過呢啲黑材料，我哋聽係有聽過，但我哋完全冇用過黑材料，更加唔可能喺幕後操控。」
唐英年促選舉重回正軌
　　對於曾鈺成對選舉充斥負面醜聞深感憂慮，特首候選人唐英年透過發言人說，希望各方人士聽到曾鈺成這番肺腑之言，將選舉重新帶回正軌。泛民特首候選人何俊仁說，曾鈺成不參選是意料中事，相信決定來自北京。
李鵬飛指梁營向他提及曾大屋
　　在黑材料問題上，有關曾蔭權在深圳租住單位一事，時事評論員李鵬飛透露，梁營有人曾向他提及此事，李認為是刻意放話。不過，梁振英競選辦主任羅范椒芬否認發放黑材料。她指曾蔭權在深圳租大屋的傳聞在政圈流傳已久，亦有聽聞，但強調是曾蔭權本人早前透過電台公開此事，否認梁營有人曾和李鵬飛談及此事。（相關新聞見P.02）