抵死！

 　今天一早打開免費報紙頭條日報及爽報，幾頁幾頁大版廣告，某個自命爭取民主二十多年的政黨，個個候選人都話告急，世事點會咁離奇。
　　一個黨咁多人參選，有幾個話告急，想多啲選民支持並不為奇，全個黨都告急，咁應該係個黨有問題。
　　參選做議員，無人承諾必定次次都要當選，何以今次選舉，那個當做議員如上班下班的政黨一定個個要做議員？莫非無得做議員等同失業？
　　打份工都有失業的危機，難道做議員沒有面對失業危機的心理準備？
　　民主選舉，做得好未必一定再當選，做唔好必然落選（有最偉大政黨支持例外政棍亦除外），這有甚麼稀奇？
　　不過特區香港就係咁奇怪，爭取民主好像有專利，身嬌肉貴又不喜歡與市井之徒攜手，特立獨立又話唔會聯群結黨，後生走在前又問有何背景，年紀大又怕走入後生埋堆（唔要大佬文化），個個市民坐定定不願自救等待救世主降臨，與其這樣，倒不如等候滅亡算了。
　　抵死！