有商有量？

　　某日，醒目阿婆睇睇吓電視，鬼咁興奮話終於有得一人一票選特首，係基本法規定嘅，但係唔係幾明，點解班立法局議員仲要去上海傾，傾咩呢？真係唔明。
　　初時聽得一頭霧水，醒目阿婆見一班笨人唔係好明，粒聲唔出坐在一旁，似乎解釋都費事，雙看著電視，過了約十五分鐘，又到廣告時間，咁啱播出特區政府的宣傳短片，還配有字幕。

律政司司長袁國強 ︰大家在《基本法》的基礎上討論
小孩︰《基本法》是怎樣說普選特首的？
熒幕蓋字︰《基本法》
大學生一︰首先由提名委員會提名候選人
熒幕蓋字︰提名委員會
提名
大學生二︰然後便由一人一票普選產生
熒幕蓋字︰一人一票
大學生三︰最後由中央任命
熒幕蓋字︰中央任命
主婦︰既然這麼清楚，有根有據
熒幕蓋字︰有根有據
麵包店老闆︰按照它商量好就可以了﹗
2017年我們便有份投票選特首！
熒幕蓋字︰達成共識
政制及內地事務局局長譚志源及麵包店顧客︰我們人人都有份！
熒幕蓋字︰我有份
我有份
我有份
政務司司長林鄭月娥︰大家把握機會，一起實現普選！
熒幕蓋字︰把握機會
熒幕蓋字︰有商有量
實現普選

　　係未呢，特區政府講得幾清楚，吾等愚昧無知都睇得明。唔好怕煩，簡單再講一次，根據基本法，首先由提名委員會提名候選人，然後由一人一票普選產生，最後由中央任命。既然咁清楚，有根有據，咁仲使乜商量？一切按基本法辦事。
　　本來真係唔知點選，睇完三十秒短片頭十一秒已經完全明白選舉特首的辦法，「提名投票任命」，六個字講完。二十多年前寫的基本法已經清清楚楚寫明，使乜幾個司長出來拍幾段宣傳片，又要花錢拍多十九秒廣告？又話有商有量，又話人人都有份，一係呢基本法內容原來係任你講。
　　終於輪到醒目阿婆唔係幾明，提名投票任命咁簡單，點解那班人仲要去上海，又話要佔中，又話提意見，係未錢多得滯，花錢遊吓埠，迷暈我哋乜都唔知嘅愚昧市民？