好處多

　　早幾年睇明珠台「法國庭園」（Monty Don's French Gardens）和「意國庭園」（Monty Don's Italian Gardens），雖然知道主時人是Monty Don，最多知道他是劍橋畢業，其他一切唔多清楚。早前BBC中文網有專文介紹了Monty Don的英國BBC著名「花匠」背後不為人知的故事，對他多了一點認識。
　　他曾獲頒授OBE，亦是BBC電視節目主持人，介紹的庭園包括建築佈局花草樹木栽種等，有時只是一知半解，不過經他介紹才知歐洲仍有甚多優美庭園，可惜大部分屬私人不對外開放，有些甚至是皇室屬地，就算能夠入內參觀多在較為遙遠的地方，唔係咁易去到。
　　幸好有次在「意國庭園」中介紹了埃斯特別墅，這座位於離羅馬約三十公里遠的蒂沃利又名千泉宮的莊園，比起英國也許略為不及，但是羅馬有直達巴士，亦是我們能夠去到的地方，終於可以依循他的介紹，參觀這座著名庭園。
　　文章中談及種植花草的好處，「花園可以降低抑鬱程度，減輕孤獨、焦慮和壓力。同時還可以幫助老年人改善平衡，並對心臟病、肥胖症等都有益處。」外國注重花園，而能得其精髓是日本，地方雖小，所種花草顏色配合四季不同變化。
　　我們不幸只為解決食，所以家中內外唔多見有花草，閒來只有去公園散步，可惜處處圍欄害怕我們胡亂踐踏。本來花園能解抑鬱，但「不准」太多結果得了另一種抑鬱，都係睇外國節目好處多一點。