電燈柱綁垃圾桶

　　某日鄉下婆到公園跑步，大鄉里怕唔夠氣，只能沿著岸堤散步，經過一個垃圾桶，見有兩條繩分別綁住上下，和電燈柱連成一起，頓覺不解。
　　以前聽過電燈柱掛老鼠箱，寓意好像一高一矮，用來比喻男女。那時為何把老鼠箱掛在電燈柱，因為在一九六零年代，殖民地香港曾發生鼠疫，避免疫情擴散，香港政府呼籲市民把捉到老鼠後將屍體放在盛了藥水的老鼠箱中，防止因未能妥善處理死老鼠而使鼠疫傳染。
　　後來疫情受到控制，加上市民衛生意識提高，居住環境亦得改善，衛生處也加強防疫，包括疫苗注射等，再加外觀因素，後來逐步拆去老鼠箱。
　　想不到三幾十年過去，特區香港竟然淪陷至此，電燈柱再掛或拉或綁——今次唔係老鼠箱——而係垃圾桶，至於為乜，真係一個謎。
　　從結構上，電燈柱一定唔會移動，要將兩者纏在一起，莫非個垃圾桶會走？而今天垃圾桶綁電燈柱的寓意係乜，比喻又係乜呢？真係好值得去估一估。