幾篇關於意大利的文章

　　睇網上雜誌CUP，發覺多篇文章關於意大利，一篇意大利帕多瓦市：現代醫學的起源。早幾年遊覽博格尼亞參觀大學舊址，除了擁有藏書豐富的圖書館外，還有一間建於十七十八世紀的解剖教室（照片）。
　　睇完解剖，另有一篇Amadeo Robiolio：人，數字，和大監控。這位作者原來是意大利人，內容談及今天我們埋頭埋腦睇住的智能電話與社交網絡。我們成日引人注意，掛住有無人回覆，會唔會反社交唔知，只知今天個個都好似失憶，連上個星期發生過咩事都唔記得，但係又會日日睇住個借能電話博古通今。附維基百科巴西利卡塔大區。
　　講得多智能電話電腦，一篇【Soul Monday】不能沒有書——意大利小小流動圖書館，讓我們知道唔係樣樣都係必然。前幾天坐巴士時見一架流動圖書車經過，前排座位有位小姐自言自言說「還有流動圖書車咩？」唔好睇少圖書車，偏遠地方的確有需要，人生睇第一本自己選擇的書，可能也由流動圖書車開始。
　　講到設計，唔好以為法國德國日本，其實這個世界也少不了意大利，【Soul Monday】巨匠離世，遺下快樂的設計，他的產品未必買得起，但總會在某地方見過，也留下深刻印象。法國帶浪漫德國講質量英國重實際，意大利好像樣樣都差一點，但係講到顏色的運用或是設計之吸引，相信意大利在世界上仍無出其右。