排隊

　　偶然經過灣仔都會幫襯快樂餅店買個沙翁或麵包，最近一次買了一條牛油蛋糕，美味依舊，但底部比平日略為深色。

　　近這二十多年，唔知點解凡有鋪頭結束營業必有一大班人排隊，然後影張相當作曾經擁有。

　　其實每間鋪頭無話一定要永久存在，環顧全球，有幾多家公司可以長達百年？

　　唔做的原因很多，租貴肯定屬主要，其次可以退休無人接手，或是時代轉變。可是特區香港算是比較特殊，不是舊時代的事物不可再存在，而係新建築不容許，這一切都拜香港人比較貪新忘舊。

　　本來一座以鋼筋石屎興建的樓宇，應該可以迄立超過百年，但這裏難以存在六十年。凡樓齡過了三十年已說是舊樓，幾乎要重建才對得住特區香港人。

　　快樂餅店不再在灣仔，雖然覺得可惜，盼他們能找到新鋪繼續營業，不過希望能保持以往水準。

　　說實在，現時還有幾多人幫襯士多麵包鋪餅店？個個都去七十一搭地鐵手拿最新款智能電話，因為快兼有型，待有鋪頭結束時才去轉個圈排隊影張相，怪不得美好的日子一去不返了。