鋸扒

　　在尖沙嘴工作時喜歡鋸扒，不過都係得個講字。

　　從前唔係咁容易上餐廳，後來開始大眾化亦多了快餐店，連大家樂和大快活也有，皆因肉類製作比蔬菜簡單，近年多了凍肉和冰鮮肉入口，價格更為相宜。

　　早年試過車厘哥夫，土瓜灣的哥登堡，至後來灣仔的波士頓，甚至皇后餐廳，好像還有金鳳等。好唔好味其次，只為滿足虛榮和追求西餐的滋味。

　　這天搭天星小輪過尖沙嘴，睇完走進巴洛克畫展，沿栢麗大道前往佐敦道，在附近的一間餐廳午餐。

　　牛屋餐廳位於吳松街，地方不大，價錢大眾化，所以顧客甚多。普通一個豬扒餐只售五十三元，加三元有杯冷或熱飲品，即合共五十六元，比大家樂更便宜，而且味道好得多。

　　原來晚上還有供應威靈頓牛扒，不過聽聞要預訂，不然要在門外排隊等候。

　　是否如此呢？現時很少出夜街，收工後立刻回家，無謂四圍去，待有空時一定要去求證。