白海豚

　　特區香港最容易見到中華白海豚的地方在大澳，上兩個星期和阿豬一同往大澳渡假，終於一睹白海豚暢泳。

　　來到大澳，想睇白海豚，一般都會在橋的兩岸購票登船，現時的票價每位五十元，唔可以講平，不過遊遊客咁遠來到，很多時唔會吝嗇。

　　非繁忙時間會否便宜一點？答案係唔知道，因為既然唔會幫襯所以亦無謂問，不過知道近大澳道公廁往前走，渡輪碼頭前有一檔收四十元。

　　出海唔一定睇到白海豚，但會繞經海上，遠眺將軍石，這是陸路所不能見的。

　　來到大澳真的要欣賞白海豚，可以登上虎山觀景台，這裏也是一個最佳地點。

　　那天早上，登上了虎山，沿步道前往觀景台，在近岸處已見一條白海豚嬉水，偶然露出長嘴與頭部，像是探索又似追逐，突然間整條游上水面，跟着一彎腰又往水裏潛去，這次算是最清楚看見整條白海豚。

　　這條白海豚是離群獨自游到這裏覓食或是遊玩，我們無從得知，不過卻給我們帶來歡樂，駐足尋找與等候約二十分鐘，照片亦拍不到牠的蹤影，直至再見不到才離去。