羅馬街頭

　　英國有篇報道預告，請勿在2025年旅行羅馬，梵蒂岡早已「教宗方濟各頒布2025年為常規禧年（Giubileo ordinario）的詔書。」正因為如此，羅馬將會迎來數以千萬計的遊客與朝聖人士，羅馬也必定寸步難行云云。

　　出外旅行首選多數為那個國家的首都，因為交通較為方便。我們去日本大陸旅行未必一定先到首都，日本航機到達的地點多，而大陸湖南四川江蘇都比北京近，才有這個分別。

　　那年去法國，妹仔第一句便講「我哋唔去巴黎」，一落機即坐火車離開直奔魯昂，可惜後來鐵路工人罷工，被迫留在巴黎兩天——要提早返回巴黎，唔係搭唔到飛機返港。

　　羅馬多笨遊客唔使講，亦多小偷扒手，妹仔也不是太喜歡，不過既然是必經之路，每次都要住一兩天，探望梅瑟睇吓幾幅畫。這天從天使與殉教者聖母大殿出來，接近黃昏，太陽斜斜照下，映在共和國廣場的噴水池上，形成很特別的光線。

　　巴士總站的工作人員準備迎來放工的繁忙時間，最有意大利味道的就是泊滿綿羊仔的街道，連粉紅色也有，當然少不了國旗的顏色。而遊客就係咁笨，不停急步從左走向右又從右走向左，想一次過把羅馬看個夠。

　　還記得AE卡的廣告嗎？便知羅馬有多吸引。唔去羅馬點得呀！