紅包

　　紅包或利市，永遠屬於小朋友的事。

　　所屬單位是國營單位，年年都會派開工利市，以往初二才派，一般二百元，多少唔重要，開心是人人有份。幾年前改為初一派，好像是一千，多少從來不放在心，反正同樣開心，幾多有咩所謂。

　　今年有點不同，話係二千元，初時都無留意，回家一看，確是二千元，算係咁啦，無咁多銀紙就唔好同人鬥燒。

　　第二天上班，同事問利市是否二千元，以國營單位的做事方式，千萬不要過早表態，只好答：「唔知呀，無睇過。」

　　立刻興奮有人回答：「聽聞舊人才二千元一封，新人只得一千元。」

　　係咩？這等國營單位的確令人肅然起敬，新人和舊人究竟有何分別？難道不想新人變舊人？抑或是新人不如舊人，何況這些支出都是公數，派多一千給新人又有何不妥？想極都唔明。

　　還有，中國人就係咁，都已經係成年人，還喜歡玩小朋友的遊戲，甚麼一年一次。倒想問問，有邊一日邊一時邊一刻不是一年得一次，一世得一次。