僭建

　　今日BBC有一篇以香港觀察：僭建門，香港法制的怠毀為題的評論文章，講到特區香港的僭建。
　　對於中國人來說，僭建有甚麼稀奇，本來就是無法無天。不要說僭建，那怕是後樓梯一塊空地，幾伙人都要你爭我奪，硬要放對鞋放個櫃放個垃圾桶死霸難霸。走到街上，間間舖都佔用行人路一公尺兩公尺，但從來唔知邊個管邊個執法，見無王管仲好，今天佔用半尺，明天大半尺，後天一公尺，過得一年半載霸到兩三公尺，你霸我霸個個霸，結果霸咗一半路，行人行晒出馬路。
　　中國人有甚麼法治觀念，就算你飲過洋水讀過番書住過外國領過勳銜都係咁話，一回到中國人的地方立刻變回一個徹頭徹尾的中國人，而且更中國，做得更徹底，點好意思話「無人通知就以為無違規」，係呀，你偷嘢無人發現無人報警，咁係未你唔算偷呢？怪不得今天東方日報大字標題「知法犯法 特區之首」報道。咁又係呀，偉大祖國領導人死後將墳墓建到好似陵園咁都得，佢話晒都係特區之首，用窗封個露台點解唔得？東方日報更列出「曾蔭權涉及醜聞一籮籮」，唔知係真係假？不過以我們的無知，寧可信其有。仲有片睇：