攝衫

　　自從足球變成貴族遊戲之後，很少機會看直播，偶爾上youtube看精華片段，不過不是每一場賽事都可看到，間中又話受版權限制，間中其實是廣告，有時都無乜心機睇，日子一久，漸漸唔知邊個打邊個，足球離我等普羅大眾愈來愈遠。



　　上星期歐國盃外圍賽德國對奧地利，結果六比二完場。雖則短短數分鐘，但發覺一個怪現象。
　　記得唔知邊年開始，為防止球員之間互相扯衫好讓球證容易察覺，規定每位上場球員必須將上衫攝入褲內，一來看起較為整齊，二來被對方拉扯球衣容易拉出，拉衫之嫌毋須解釋，一目了然。
　　實施多年似乎相安無事，但係唔知邊個球員喜歡瀟灑，攝衫整齊缺乏不羈，於是出場時大合照握手時還有攝衫，上場不夠兩分鐘立刻變回原貌，話之球例規定，反正球證都唔理。
　　日子一久，日常上班循規蹈矩壓力夠，一到週六週日仲唔不修邊幅掹衫反領唔著襪都對唔住自己，球場上之唔攝衫只不過帶領潮流和反映現實，大家一起盡情發洩。