iPhone新一代

　　和冏男共事幾年，一向見他追上潮流，由iPhone 1用到今天的iPhone 4，聽聞前兩天仲去中環排隊朝聖咁話。
　　間中冏男走過來，會將最新款的iPhone在手中玩弄，然後才說幾句只有他才聽得明的說話，初時唔知還以為冏男喜歡自言自語，後來才明白每句說話都有內涵。
　　直至某一日，冏男突然跑過來，一開口便說：「可唔可以借部機收個email再轉寄給你，然後幫我print出來？趕住，因為我部電腦剛剛當了。」
　　看一看他，然後再看一看他手中白色的iPhone 4，用最簡單的說話回答他：「用你個電話send過來都得。」
　　「係？咁點樣send？」見他望著個電話充滿疑惑。
　　「你係電腦點樣send便點樣send。」
　　平日見他用個iPhone又facebook又ibook又影相又睇電影搭車仲要睇書，唔係iPhone用email都唔識卦？
　　突然冏男好似發現新大陸咁大叫：「send咗畀你啦，睇吓收唔收到？」
　　二話不說，先print了兩張紙給他，冏男興高采烈離開了。
　　看著他遺留在枱上的iPhone，發覺iPhone新一代之與眾不同。