掘到塊石……

　　特區香港選特首，本來不關市民事，因為沒有投票權。中國人自古質素低，反正無力反抗，最終亦無法扭轉衰敗，倒不如當鬧劇看，消遣消遣，如果明年世界末日沒有到來，將來歷史記載了今天發生的事情，或許從中可知道一個地方、一個國家，甚至一個民族滅亡的原因。
　　那個英年，自己選唔選都未知，旁人已經赤膊上陣迫他選，陳永棋撐選特首 讚唐「大智若愚」，唔好睇英年平日傻吓傻吓，其實只係扮傻。
　　第二個出來讚英年，胡定旭﹕唐英年腳頭好，真係無錯，管他或智或愚，腳頭好已經足夠。
　　第三個最好，人說的不算，上帝說了算，一句「禱告時受到神的感召，認為自己應該挺唐。」（見容永棋胡定旭挺唐）咁講多無謂，一句「受神感召」，邊個敢反對，還說希望他做特區的彌賽亞。
　　可能過幾日，係南區西區地鐵地盤，或者菜園村高鐵地盤掘吓掘吓，突然掘到一塊石碑，上面用隸書赫然寫著「英年早日登基」……
　　係就好呀，唔使世人等得咁辛苦，日盼夜望救世主終於來臨，講到咁勁，唔好係香港做特首，應該做國家領導人或人間救星。