情迷午夜巴黎（Midnight in Paris）

　　近年懶看書，看電影比看書容易，導演編劇可以解畫，毋須逐行逐行睇，太薄又話唔睇，太厚又懶睇，所以看電影最好。
　　活地何倫又有新作，對人事有其獨特觀點，雖然是小品，偶有佳句，近兩年似乎難有佳篇，不過也不是太重要，兩個小時輕輕鬆鬆，不嫌嘮嘮叨叨可以接受。
　　開首幾個鏡頭不用多介紹，巴黎內涵留待觀眾自己探討。以前有活地阿倫演出，頂多只係由他一個人說過不停，如今多在幕後，演出的個個都停唔到口。
　　喜歡一個地方，可以是她的過去、現在或將來，至於係邊個時代真係難講，至於天氣，最重要係是否有人願意和你走一趟。從賣弄到廣東話的扮嘢，阿倫都有著自己一套的自憐自嘲自愛自負，尋找共鳴有時都唔係咁易，唔露兩手唔知佢有料，露得過分則是賣弄。
　　反正阿倫小本經營收入有保證，執吓執吓都搵到啖食，而且生活無憂，得閒創作幾段，看得過癮時會心微笑，睇唔明時當看他如何手到拿來，娛樂兩個小時，不失一個好的選擇。