機場「病毒」

　　今年復活節有幾天假，因為對廉航沒有太大興趣，於是上網訂機票時選了去上海，不是大陸有甚麼吸引，而是聽聞新居入伙，另外幾座樓房正在興建，所以才回去一次，隨便探望患病的叔叔。
　　來到特區機場，唔知點解覺得愈來愈似大陸機場，包括那陣氣味，好像冷氣唔夠，或與食物有關，也許用得太多來自大陸的食材，食後連呼吸亦接近，所以才會如此。
　　不知是否對飛大陸的延遲有點認識，所以從來都唔會坐近登機區，免得和那班來自富貴地方的人在一起，雖然如此，有時亦要留意有甚麼公佈，包括轉登機閘口延遲起飛之類，不然錯過對自己無益。
　　臨近起飛前約半小時，仍未見有任何動靜，已知延遲難免，重要係要知遲多少，因為要通知上海家人，要他們等就不太好。
　　無你咁好氣，躲在一旁睇幾頁書或看人生百態，終於見登機閘口有些動靜，一大群人湧向登記櫃檯，拿了些東西然後又返回座位，心知不妙，航機必定遲個半至兩個小時，因為櫃檯開始派送蒸餾水和餅乾，乘客自然先取為快。
　　待大部分乘客散開後，才到櫃檯問問時間，相信要遲一個半小時，無計，坐在一旁先通知然後開樽水飲，心想唔知係咪中了斯德哥爾摩症候群的病毒，以前覺得遲兩三個小時真係極差，今天只遲個半小時，真係比以前好了很多呀。