迎接光明

　　這兩天聽新聞講高鐵一地兩檢，星期六一份免費報紙更有點評你搭高鐵想拎行李在深圳落車檢查嗎？，話要好似深圳灣口岸咁樣，租地給共產中國（注意不是割地），咁樣就可以解決一地兩檢問題喎。
　　好似篇點評條題咁講，難道你想拎行李落車檢查嗎，既然講得咁好，咁在紅磡火車站的直通車是否也可以咁樣做呢，連直通火車都好似深圳灣山岸一樣，廣州上海北京火車站再不用設立海關了。
　　如果這樣行得通，不如連機場都係咁做啦，立刻擴建赤鱲角機場，首先找塊地租給共產中國，然後租給日本、韓國、台灣、泰國、菲律賓、越南、印尼，最好包括歐洲法國英國意大利德國等，美洲包括美國加拿大這些特區香港人經常來往的地方，因為他們很多都持有加拿大英國澳洲的護照（注意護照是旅遊證件），這樣做的話，上機前一次過出境入境，唔使到了日本等國之後又要等海關蓋印檢查，好花時間呀。
　　另外，根據一些共產中國的官員講，租地唔等於割地，何以口出此言呢？明明特區香港係中國一部分兼神聖不可分割的領土，明明在特區香港的高鐵車站搭火車回偉大的祖國，點解仲要過關檢查呢？真係諗極都唔明，點解仲唔一國一制？
　　如果無記錯，當初（約七至八年前）特區香港決定興建高鐵之時，已經有人提出如何過關的問題，只有一個方法就是在總站設立海關，但這樣做違反一國兩制。當年講過不會超支，未必會一地兩檢，結果全部落空。
　　所以無論今天講咩都好，全都在當年已有定案，現時只不過出來做做門面工夫，講一些似是而非的方法，最難得有一班人特別係識字份子赤膊上陣文攻洗腦，愚弄大眾，亦最可喜又有人相信兼加鹽加醋講到高鐵如何快一地兩檢如何好，既然咁好，早點一國一制吧，讓我們感受偉大祖國的復興。