坐火車往萊切

　　回房收拾上網查火車時間，決定輕裝上路，只帶傻瓜相機及智能電話，帶多對乾襪或者著鞋唔著襪，不過以乎沒有關係，鞋濕了著唔著襪都係唔舒服。
　　時間尚早，先到酒店的游泳池及花園，這時雨亦停了，正好可以出發。往火車站約十至十五分鐘路程，過了一小段路之後，前面的大廈多數建有騎樓，就算落雨都唔怕，近火車站的大廈地下多數有商鋪營業，較遠的則有些空置，亦有些初時以為沒有商鋪，至晚上天黑後，會有幾間酒吧開始忙碌起來，露天（有騎樓）位置擺滿兩三個鋪位的檯櫈，想不到天寒地凍也有客人。
　　來到火車站，今次嘗試以自動售票機購票，唔怕睇唔明唔怕買錯，最怕有人走過來幫助，所以我們選了一部在角落。自動售票機會以售票地點為始發站，選擇要去的地方打入頭一兩個字母便會出來，由於來往萊切火車非常頻密，普通火車約一小時一班，亦有快車經過，因為這段不屬高速路段，時間唔差太多，為貪廉宜選乘普通火車，火車票上沒有乘坐時間限制，一般一兩日內到達有效，所以千萬記得上車前打票，以示已乘坐。
　　普通火車由巴里出發，選對車號和月台便可上車，雖然有時會變，只要留意熒幕顯示便可。巴里仍然烏雲密佈，萊切如何呢？兩地相距約一個多小時火車，沿途經過幾個站，愈接近萊切時雨勢愈大，好像以滋潤大地的雨水迎接我們的到來。