阿爾貝羅貝洛火車

　　早上在酒店吃早餐，發覺沒有血橙供應，只有水果杯。天氣比前兩天更差，但不能阻礙前往阿爾貝羅貝洛的行程。來到巴里火車站，一時間唔知邊個月台，向咖啡店老闆查詢，老闆氣定神閒向門外指指，以義大利文說了一大堆我們聽不明的說話，終於他說了在十號月台附近，著我們走隧道通過。
　　義大利人給遊客指路也有一手，遊客大部分都笨唔使講，成日有人問路難免覺得煩，但係能夠幫到人始終有些滿足感，一聲多謝唔該或許只是隨便說，但係其實真心感謝他們不厭其煩為我們指路。
　　巴里火車站有幾個（可能有四個），分別去不同地方，在火車站主樓附近的兩個分別前往馬泰拉和普利亞西北部，主要火車站是義大利國鐵，至於在九號十號月台附近的FSE火車是來往巴里省的東南方向，大概這幾間火車都是私營，所以有自己獨立的候車大樓及月台。如果從長途巴士站入來，在兩條行人隧道中間的入口——見門上的「FSE」——入內，售票處就在旁邊，如果即日來回可買好來回票，因為阿爾貝羅貝洛火車站有時會唔見有售票員，自動售票機也不太多。
　　這裏的義大利人十分熱情，售票員很善解人意，所以買票很容易，以國際手語便可，不過最重要是上車前在打票機打上日期，不然查票時發覺沒有打票則當逃票處理。
　　火車已轉用新車，設冷暖氣，約一個半小時到達，沿途經多過幾個站，但係多數唔會聽到報站，但到達阿爾貝羅貝格之前會有一段廣播，唔識聽義文大概都會估到即將到站。萬一真係還有懷疑，在閘門打開時向外一望，幾乎大部分乘客都在這個站落車，特別係會見到很多亞洲人面孔，你就知道一定唔會錯，可安心離開車廂，然後放開心情享受歷史留下來的美景。