老黃瓜煲豬手

　　經過街市，唔知點解咁多人，原來話打風，個個都要買幾斤菜返屋企，無興趣同人迫，隨手買個老黃瓜便算。

　　豬肉檔老闆娘介紹有隻大豬手，於是着她斬開幾大件，方便煲湯。

　　豬手太大食唔晒，分開三次，餘下包好放入急凍，煲湯部分先出水才煲，這樣無咁肥。

　　稱為老黃瓜，是與黃瓜分辨，其實屬同一個瓜，只不過收成時間的不同才有分別。而黃瓜亦分幾種，小時候見父親喜歡用來送粥的醬瓜，也是以黃瓜製成。

　　切幾片薑放兩粒蜜棗，還可加入螺片，味道更香濃。不過夏天飲湯的確能清熱，這樣說並不因為相信從前或中醫所言，真正的原因是要先把身上的熱驅出，才能感到較為輕鬆與涼快。

　　運動也是方法之一。至於開唔開冷氣是另一回事。