蒸水蛋

　　幾個月前買了新電飯煲，未試過蒸水蛋，這天假期早煮飯，於是打兩隻雞蛋加鹽凍滾水，睇吓新飯煲如何。

　　蒸水蛋較理想的方法，當然另外煲水清蒸，但是以大鄉里的慵懶又點會咁做，最好一次過能夠煲飯兼蒸蛋，而菜也是一品鍋，即所有菜及配料一煲過。

　　現時聲稱電腦化的電飯煲，煲飯時間三十七分鐘，和從前的約十五至二十分鐘多了十分鐘，至於為何沒有仔細研究，只知開始時發熱得很慢，至後來才發力，使米煲成飯時更加晶瑩剔透和陣陣飯香，粒粒分明，這種煲飯方法由日本人研究出來。

　　如果在開始時將蛋放入飯煲，經過三十多分鐘容易蒸老，試過一次唔多理想，改為㩒掣後約十三至十五分鐘後才放入，蒸出來的效果好得多，剛好蒸熟而蛋又夠滑。

　　但也有小缺點，正因為煲飯中途把蓋打開，洩漏了部分熱力和蒸氣，雖然未必影響飯質，卻會產生多餘的倒汗水積聚在蛋面，幸好自家人食才不會介意這瑕疵。

　　上檯前加上豉油麻油幾粒葱花，簡簡單單又一餐。