世界盃

　　因為喜歡的球隊未能進入決賽周，所以對於今屆卡達世界盃的興趣不大，一場也沒有睇過。

　　本來當作娛樂睇吓無妨，可惜現今特別係特區香港，個個都以賭的角度，早已失去了原有的樂趣。

　　德國小組出局意料之中，何以如此？睇吓小組賽中那張掩口合照便知。阿根廷被美國傳媒問點解隊中無黑人，其實阿根廷人不可算純種白人，無黑人有咩出奇，由此證明傳媒中晒左毒，場上是比賽，又唔係選人種。

　　日本南韓打入十六強，心中想可否讓他們得一次冠軍？感情是一件事，現實無可能。英格蘭始終欠臨門一腳，無大賽命。克羅地亞保持拚勁，東歐球隊看來只剩他們了。

　　自從林尚義逝世後，現在聽班講波佬講波，以為講緊馬，反正都係貼兼落了重注，以後從賭波出發便可，不要說是評述。

　　如今已加入VAR，科技亦可準確計時，為何仍有咁多爭議？無他，所謂VAR或科技，仍然由人控制，有了權之後自然要做埋球證，係都要加自己一腳。