水果

　　近年特區香港多了很多水果，來自世界各地，比從前多了款式，琳瑯滿目，離遠已聞到不同味道，連顏色也吸引。

　　某日經過水果檔，聽見檔販高聲叫賣，其中包括「玉林蘋果」，唔知咩「巨峰提」，更有較少見的釋迦，與火龍果相似的麒麟果，藍莓長期有得供應，價錢約二十蚊兩盒。

　　台灣有菠蘿西瓜早已知，這幾年多了釋迦，可惜太甜，試過不太喜歡亦唔敢多食，蓮霧說不上太好味。火龍果紅肉比白肉清甜，相信來自越南較佳。麒麟果說是來自南美，原產地確是南美，至於來貨則有懷疑。

　　其他唔使講，名稱「玉林蘋果」，千萬不要相信來自日本，只得個名。也有「巨峰提」，亦肯定並非產自日本，就算真貨，只得個甜卻無提子味。還有很多前面喜歡有個日本地名，如「富士蘋」之類，味道當然完全兩樣。

　　鄉下婆有要求，母親也很揀擇，奇異果指明金果，蘋果要意大利或法國，杮產自西班牙，火龍果一定揀越南，還要紅肉。啤梨近年有些難度，橙更加難揀，而且價錢相當貴。

　　小時候有新會橙和柑天津梨等，唔知點解現時好像全部失了蹤，可能已變了其他名字，希望能夠生意多一點。

　　水果也懂得照鏡，誰料鏡的主人背着臉，忙着煲飯。