加餸

　　鄉下婆難得放半日假，下午收工後經過西環，買了半隻海南雞加餸。

　　佛手瓜很清甜，只是剝皮要花點功夫，加幾片紅蘿蔔，顏色好看多了，略為調味已是一道菜。

　　鹹蛋蒸肉餅很簡單，約四五兩肉，喜歡而又有時間可以自己剁，唔願意則由肉檔攪碎。肉檔在攪肉前多數用水沖洗，這樣做的話即食還可接受，如果放入冰箱，因為水份容易結冰，第二天再弄則多了雪味。

　　家中有幾個洋葱，鄉下婆拿出四個，要學法國婆一試洋葱湯。真係佩服法國人，連洋葱都可以做個湯，難怪法國菜咁出名。

　　幸好廣東菜夠方便，鹹蛋肉餅放在飯煲一次過，慳好多時間亦唔使睇火。

　　母親看似很傳統，其實也講究，亦要學法國人一樣要有飯後甜品，飲咖啡瞓唔着，蛋糕又貴亦不是容易預備，而水果最為方便。

　　這種芒果無乜味，唔甜唔酸勝在夠大個。金奇異果至為滿足。聽聞奇異果來自中國，可是中國稱為彌猴桃，但和奇異果可謂兩個樣，想起南橘北枳，見《晏子春秋》：「……晏嬰回答說：『橘生淮南則為橘，生於淮北則為枳，葉徒相似，其實味不同。……』」

　　生於中國稱彌猴桃，長於紐西蘭為奇異果，看似相同其實都係唔同，連味道也唔一樣，根本無得比較。