富貴

 　傍晚轉8P上班，見乘客不是太多，於是上樓希望有個無敵海景靚位靜靜欣賞風景，誰料單邊位已坐滿，本來坐在路口也沒有所謂，但見乘客個個都係咁寶貴，將個袋之類的物體放在鄰座，不想別人坐在旁，難道其他後上的乘客不用坐？
　　六七十年代不會這樣，迫到沙甸魚都唔會霸多個位。七八十年代不會這樣，有位坐唔知幾好，仲見好多人讓座。八九十年不會這樣，就算三座位排排坐，頂多坐得唔係幾舒服。九十年代末期開始，個個一人一個袋，唔揹唔自在。
　　唔知與梁特上台有沒有關係，有這樣的氛圍，自然個個有樣學樣，充滿共產中國人特色，喜歡死霸爛霸，開鋪頭的，佔用半條行人路，買得起樓的，互相租對方單位騙房屋津貼，一係就月入二三十萬都話買唔起樓，搞到有一個富貴人家月入七八萬話唔敢買樓，住豪宅的，個個搭個花棚整個車房上蓋，有辦法的唔係打通單位就係拆幅牆挖個窿。
　　無能力的又如何？
　　結果有眼睇，班窮鬼搭巴士都要霸多個位。
　　真有當家作主的美德……