新與舊

 　走在時代尖端的人很難理解，分不清究竟喜歡新？還是喜歡從前？
　　每次總喜歡拿著最近款的智能電話來炫耀，話自己係第一個用手提電話（即水壺），跟著又話愛立信諾基亞，連蘋果第一代用到現在第四代，說到個電話上網快——比電腦更快，可以影相——象素比單鏡相機更高，可以直接視象通話——不再需要甚麼skype之類，可以用app直接傳輸檔案——唔需要電郵。
　　講到天花亂墜，幾乎認了第一，無人夠膽認第二。
　　看看自己那部只能打出打入的電話，真懷疑今天的電話，可不可以再稱為電話。
　　今天甚麼都講快，唔係唔使用智能電話。直到某一天，用電話拍了一張照片，跟著用電話上網，用電話上傳了給老闆，再用電話上載了給全世界，之後才打電話回公司，說辦好了今天的事。
　　這時電話響，對方在電話中話張照片從倒影中可看到你個樣，最好再影過……
　　於是四圍問，可唔可以令張相在全世界消失？只能對佢話：「你撳個掣撳得太快，事實已不能改變。」
　　「點解今天唔可以好似以前咁，影完張相然後曬張照片，如果有錯都可以用人手塗去，係未如今無辦法改變？」
　　「只能改你給老闆看那一張。」
　　「今天係未再無以前咁，影完相再曬相？」
　　看看檯頭的傳統電話，真係唔識點答。