國民教育

 　愛黨愛國，唔係額頭鑿個「愛黨愛國」就叫愛，而係要講根正苗紅。
　　如果讀官校或天主教或基督教學校，熟讀國民教育科兼考取高分，莫非咁就愛黨愛國？
　　當然唔係。
　　所以話國民教育根本無用，教唔教都無所謂。
　　特區政府首先取締甚麼天主教或基督教或私校甚至官校，全部改為勞工子弟學校香島學校培僑學校，在這些愛國學校畢業的，必然全都愛黨愛國。
　　取締了天主教基督教學校，特區政府喜歡教甚麼便教甚麼，甚麼國民教育科愛黨愛國科問題迎刃而解。
　　將來打政府工亦可以多一項以國民教育科的得分為評核標準，那怕學生唔趕住入愛國學校熟讀國民教育。
　　醒目學生一見勢色唔對，必然大吵大鬧，批鬥父母大聲喝問：「點解唔畀我讀國民教育？點解唔畀我讀愛國學校？」繼而將父母推出大球場跪玻璃斷絕關係，因為黨國即父母，到時全個特區一片紅……
　　非常期待這一天的來臨。