家常

　　自問很懶，每次煲飯煮餸，都想用一個簡單的方法，花的時間少而又好味，最緊要洗碗清潔也要簡單和快。

　　上海人有個一品鍋，其實把所有材料放在一個鍋內，然後煮煲飯，的確簡單。

　　廣東人懂得蒸，這個方法更簡單，現時電飯煲較容易控制，蒸排骨蒸肉片，與飯一同㩒掣便可。蒸水蛋的話，唔怕老當然不用理，想滑則要掌握時間，以現時的新款電飯煲，可以在㩒掣後十五分鐘才放入。好處是同煮，壞處有點走了熱氣，對飯香似乎無大影響。

　　買了排骨，切豆豉蒜頭拌勻。從前黃牙白清甜美味，今天有所不及，不過唔緊要，與火腿絲同煮腍，也可回憶曾經喜歡黃牙白的日子。進口的急凍魚塊，加少許醬油在面放入焗爐，連火都唔使睇。

　　今餐只開火一次，極為豐富的一餐。如果由自己煮的話，則只有兩味——排骨和菜。為何多碟魚？當然不是法國大餐，而是母親喜歡食魚。