大會堂

　　好久沒來大會堂。從尖沙嘴搭天星小輪過來，上岸後要行約十分鐘才到。

　　從前是拍拖的好地方，落船轉左，先經過皇后碼頭，大會堂就在眼面，十分有氣派，晚上亦很浪漫，因為帶點外國優雅氣息。

　　現時當然不是這模樣，甚麼皇后碼頭愛丁堡廣場，恨不得全部拆去而後快，但點解大會堂仍在？真係唔明白。

　　大會堂高座還有婚姻註冊處，直至現時也十分受歡迎，聽聞要通宵排隊，除了位置好，另一出口有條樓梯，拍大合照最佳地點，下面還有花園，容納一百幾十人同歡，留下不少美麗回憶。

　　高一層的長廊，也是欣賞海景維港兩岸絕佳地點，想找一個好位坐下都唔係咁容易，當年學攝夜景時，至凌晨一兩點尚有人在，反而是我們覺得唔多好意思。

　　今天遠處一個唔夠高的摩天輪，想避開後面的高樓唔係咁容易，至於「606060」是為六十周年而設計，有無機會再至「707070」唔敢講。這些充滿英式設計的建築，大概也快全部消失。如果不是某些人——當然不是你或我——留戀，相信早已不存在。