小輪

　　今天小輪在交通運輸上不算重要，因為個個人都喜歡快。

　　但要咁快做乜？無非睇多幾次電話，無聊於其他事情，直至停駛時又來懷緬一番。

　　曾經有過一段時間，從紅磡搭油麻地小輪往北角返工，船未泊岸已從旁邊跳了上甲板。

　　這些日子早已過去，碼頭愈搬愈遠，根本不想人搭小輪。

　　好像天星小輪，尖沙嘴還在，中環要行多五至十分鐘。灣仔碼頭唔係咁好行，北角仍在，西灣可未試過。

　　現在還有無佐敦道碼頭？九龍城不變，紅磡則改了多次，大角嘴應與佐敦道同一命運。聽聞荃灣也有碼頭，屯門可往機場，不過都不是為了日常乘客而設。

　　這天來到中環碼頭，新渡輪也改了現時的名字，天星小輪仍在的原因，相信只為點綴維多利亞港盡最後努力，若連天星小輪也消失，維港也隨時間隱去。